KUREJEZWA NA KUVIKWA UWEZO (Bofya hapa kuangalia video)
KUREJEZWA
NA KUVIKWA UWEZO
Katika hili wiki la mwisho la mwaka Mungu ana mpango maalum
kwako. Badala ya kubadilisha mazingira yako anataka kuanza na wewe mwenyewe.
Baadhi yetu tumepata fursa ya kuwa mahali kwa ajili ya kutulia na Bwana.
Zaburi 85:6 Je! Hutaki
kurudi na kutuhuisha, Watu wako wakufurahie
Luka 24:49 Na
tazama, nawaletea juu yenu ahadi ya Baba yangu; lakini kaeni humu mjini, hata
mvikwe uwezo utokao juu.
Unahitaji
kurejezwa maeneo gani?
1. Muda uliopoteza
Yoeli 2:25 Nami
nitawarudishia hiyo miaka iliyoliwa na nzige, na parare, na madumadu, na
tunutu, jeshi langu kubwa nililotuma kati yenu.
2. Imani yako
Zaburi 51:12 Unirudishie
furaha ya wokovu wako; Unitegemeze kwa roho ya wepesi.
3. Maisha yako
Matendo ya Mitume 3:19 Tubuni
basi, mrejee, ili dhambi zenu zifutwe, zipate kuja nyakati za kuburudishwa kwa
kuwako kwake Bwana.
Unahitaji
kuvikwa uwezo gani?
Mdo 1:8 Lakini
mtapokea nguvu, akiisha kuwajilia juu yenu Roho Mtakatifu; nanyi mtakuwa mashahidi wangu katika Yerusalemu, na
katika Uyahudi wote, na Samaria, na hata mwisho wa nchi.
· Uwezo
wa kufanya yasiyowezekana kibinadamu
· Uwezo
wa kutoa maisha yako kwa ajili ya Mungu (Ufunuo wa Yohana 12:11 Nao wakamshinda
kwa damu ya Mwana-Kondoo, na kwa neno la ushuhuda wao; ambao hawakupenda maisha yao hata kufa.)
· Uwezo
wa kuwa na mguso kuanzia pale ulipo hadi mwisho wa dunia (hukuitwa kuandaa
mikutano ya Injili hapo ulipo peke yake. Uende zaidi ya Yerusalemu yako.)
Usipotii Mdo 1:8 jiandae kukutana na Mdo 8:1:
Mdo 8:1 Siku ile
kukatukia adha kuu ya kanisa lililokuwa katika Yerusalemu; wote wakatawanyika
katika nchi ya Uyahudi na Samaria, isipokuwa hao mitume.
Tunakukaribisha sana uwe partner wetu katika huduma za kiroho na kijamii kwa mwaka 2024 ili tuendelee kuzitoa bila malipo yoyote. Unaweza kuahidi kiasi chochote kuanzia sh 5,000 kwa mwezi.
Maombi
ya wiki hii:
1. Ee Mungu naomba unihuishe tena ili nisitumike kwa nguvu
zangu mwenyewe.
2, Ee Mungu naomba univike uwezo wako ili niweze kujikana
kwa ajili Yako
Download na ku-install App ya Lawi Mshana inayopatikana
katika blog hii ili upate masomo kwa njia ya maandishi, sauti na video bure.
